Aaj kuch naya seekhaya zindagi ne !!

Aaj kuch naya seekhaya zindagi ne , aaj tak to bas saanse le rahi thi , magar jeena seekhaya to aaj zindagi ne , kisi or se nahi aaj khud se milaya zindagi ne , Aaj tak to kashmkash mein thi ye rooh meri , khud se rubaru karvaya aaj zindagi ne …

Jis dard ko pyaar samajhkar aajtak sawara tha iss seene mein , aaj samajh aaya uska to kuch mol hi nahi is zamane mein….agar pyaar hota vo to tu saath hota mere , tu saath nahi to aaj maan liya mene bhi ki vo pyaar hi nahi ….

Galtiyaan to hui mujhse tujhe samjhane mein kuch is kadar ki Teri bekadri ko Teri mohabbat samjha mene , Teri berukhi ko Teri chahat samjha mene , Teri bedardi ko Teri dillagi samjha mene , par gunaah to kuch is kadar hua mujhse ki us virane mein ek aashiyaan banane ki tamanna rakhli mene….

Na samajhna in alfaazo ko mera dard-e-haal ae magroor , ye to bas kuch ehsaas hai jo dil mein hi reh gaye the , kuch zakhm hai Jo nasoor ban gaye the , ye bhi to hai teri inayat Jo tujhse mili hai labo se meri hasi chin gayi hai ….

Aaj alvida le rahi hu tujhse , or un ehsaaso se jisse mohabbat samjh liya tha mene , us dard se jisse Apna hissa maan liya tha mene , or alvida le rahi hu us shaqsh se jisne kabhi humdard deekha tha tujhme or humrahi maan liya tha tujhe….

Aaj kuch naya seekhaya zindagi ne , aaj tak to bas saanse le rahi thi, magar jeena seekhaya to aaj zindagi ne…